Den ultimo dianan, por a mira cu gobierno kier duna impulso na economia pa tur cos bira normal back, aunke negoshinan tanto grandi como esun chikito mester cera nan porta 11or di anochi, na momento cu nan ta pasando un mal situacion pa via di e crisis cu Covid-19 a causa.

Vanessa Kock, alto comisario di Cuerpo di Polis di Aruba a splica Bon Dia Aruba cu na e momento cu ta yega pa tuma un decision asina, cu ta trata ciere di negoshinan, no ta solamente su persona of cuerpo policial esun cu ta tuma e decision ey.

“Nos ta papiando di un maneho den un periodo di crisis, caminda ta wordo evalua, entre otro e ciere di e localidadnan aki.” El a specifica cu ainda esaki ta implementa pa motibo cu hende no tin cu lubida cu e crisis no a caba. Na e momentonan aki e pais ta den un fase hopi sensitivo cu fronteranan a habri y otro paisnan tambe ta pasando den momentonan dificil pa loke ta trata coronavirus.

Asina mes, el a menciona cu pa loke ta trata turismo, e bishitantenan tambe mester yega back na e isla. “Esaki ta un di e rason y puntonan cu por evalua tambe na momento cu nos ta sinta hunto den un team di maneho di crisis”. Ademas, el a bisa cu semper mester tene cuenta cu e parti di orden publico.

“Nos tur a wak kico a pasa fin di siman pasa, tur a wak e aglomeracion di hende cu tabatin riba caya y e momento cu te ainda nos como Arubiano no ta consciente di loke ta pasando den e situacion actual na Aruba. Mi ta kere mas y mas nos ta hiba nos mes den cierto decisionnan cu ta bay conta pa interes general”, el a declara. Asina mes, el a reitera cu esey ta puntonan cu nan mester evalua na e momento cu nan ta sinta den un reunion.

 

1 COMMENT

  1. Pregunta na Sra Kock: ta drenta 20 illegaal, ta haya 2, y Polis ta eynan sin mondkapje, con nos ta combatiendo e virus? No ta logica cu e Polis, of who ever atende cu un illegal, mester comporta como si fuera e illegal tin e virus, pa asina evita contagio? Ken a faya? E ehempel ta bini di Polis, e pueblo no por ta mihor cu esnan cu ta riba nan, boso ta riba e pueblo y e pueblo ta spera bon ehempel di boso: faya bo haya.

LEAVE A REPLY

Please enter your comment!
Please enter your name here