Diamars mainta Chief Innovation Officer di Aruba, Varelie Croes a pone Aruba riba plataforma innovativo internacional un biaha mas. Varelie Croes participa den un ‘panel discusion’ den e conferencia di Smart Cities New York. El a comparti su ideanan riba e diversificacion di economia hunto cu otro innovadornan influyente.
Smart Cities New York ta e conferencia principal di Noord America pa innovadornan y ‘decision-makers’ kendenan ta mehorando bida di e ciudadnan di futuro. Otro panelistanan cu a forma parti tawata e co-fundador y CEO di B.Amsterdam; Ricardo van Loenen, Minister di Innovacion y Entrepreneurship di Republica di Kosovo; Dr. Besim Beqaj, CEO di Embarc Collective; Lakshmi Shenoy, y Country Manager di USTDA; Jeffrey Phillips.
Gobierno di Aruba ta gradici Varelie Croes pa pone nos pais den luz internacional y trece mas ideanan den proyectonan innovativo pa progreso di nos pais.
