E crisis den sector educativo na Venezuela ta birando mas grave. Mayoria di e scolnan no tin problema di infrastructura y di servicio basico so, sino cu e maestronan no por conta cu un sueldo cu ta permiti nan cubri nan necesidadnan basico.

Ta pesey ayera e Federacion Venezolano di Maestro a convoca un paro nacional di 24 ora den henter e pais. Orlando Alzuru, presidente di e federacion, a haci un yamado pa acudi na ministerio di Trabao na Caracas pa entrega un documento den cual ta exigi un serie di exigencia salarial y laboral.

“E sueldo di e trahador mester ta di acuerdo cu e canasta basico familiar. E salario promedio di e educadornan na America Latino ta 650 dollar. Nos ta exigiendo e pago na bolivar cu ta equivalente na 600 dollar. No ta posible cu nos ta ganando menos di 2 dollar pa luna, nos ta bibando den pobresa extremo,” Alzuru a declara.

Ademas di e problemanan di infrastructura cu e institucionnan educativo tin, ta resalta e fenomeno di e coleganan cu ta sali di e pais o ta cambia pa otro actividad cu ta paga miho.

Di acuerdo cu datonan di e Coalicion di Trahadornan Publico pa Sector Educacion, e accion a haya apoyo di 90 % di e institucionnan den henter e pais, segun Griselda Sanchez, coordinador nacional.

Aunke segun e Subcomison di Educacion di parlamento Venezolano, aña escolar a inicia na september cu 87% di desercion, gobierno di Nicolas Maduro ta mantene e tesis cu e pais a registra mas di 90% di presencia di alumno na scol. Na augustus gobierno di Maduro a anuncia rehabilitacion di por lo menos 200 scol, pa garantisa nan funcionamento,

 

LEAVE A REPLY

Please enter your comment!
Please enter your name here