Johan Remkes (VVD), di 68 aña di edad, lo tuma over temporalmente como Alcalde di Den Haag, despues di e renuncia di Pauline Krikke diadomingo atardi.
Noticiero local, Omroep West a bisa cu Conseho di Ciudad kier ‘restaura calma’ despues di un siman turbulento, den cual e Alcalde y dos Consehal a renuncia. Krikke a renuncia relaciona cu publicacion di un reporte acusatorio resaltando e fayonan di e ciudad rond di e scandal di candela di aña nobo na Scheveningen. Y siman pasa, dos Consehal a ser despedi mientras nan ta investiga pa corupcion.
Remkes den pasado tabata Comisionado di Rey na Noord Holland y a sirbi como Minister di Asuntonan Interior. Tambe e ta encarga di e comite consehero riba e crisis di nitrogeno actual.
E buskeda pa un alcalde nobo poco probablemente lo cuminsa prome cu spring proximo, segun Omroep West.
E informacion tocante e posicion nobo di Remkes ta basa riba grabacionnan durante combersacionnan entre Remkes y oficialnan di e ciudad. E lek di e grabacionnan, describi como ‘scandaloso’ pa politiconan local, ta bou investigacion, segun NOS.
