(ElNacional) – E informante special di Pueblos Indigenas di Organisacion di Nacionnan Uni, Francisco Calle a denuncia na instancianan internacional e asesinato di lider indigena, Virgilio Trujillo, cu a tuma luga dia 30 di juni ultimo na Puerto Ayacucho.

Asina abogado Olnar Ortiz a informa durante un entrevista pa e programa Punto y Seguimos di Radio, Fe y Alegria Noticias, unda el a revela algun dato di e caso.

Ortiz a confirma cu e integrante di e Guardia Teritorial Indigena di e pueblo Uwottuja na e region Sipapo, Amazonas, tabata dedica activamente na denuncia e presencia di gruponan arma den e zona.

El a señala cu varios grupo, entre nan e Organisacion Regional di Pueblonan Indigena di Amazonas (Orpia) na cual Trujillo tabata pertenece, a solicita medidanan di proteccion na Ministerio Publico despues di ta victima di menasa, sinembargo, nunca nan a wordo acorda.

E tambe activista di Foro Penal a señala cu a pesar di e falta di accion di parti di autoridadnan, den e caso aki Ministerio Publico a designa algun fiscal special pa e investigacion.

E asesinato di e lider indigena a sucede den sector Escondido 3 di Puerto Ayacucho. Segun testigonan na e luga, e victima a baha di un vehiculo cu otro personanan cu a tir’e y despues a huy for di e sitio.

Trujillo tabata parti di e guardia teritorial cu a ubica un pista clandestino na San Pedro del Orinoco, Amazonas. E informacion aki a wordo documenta den un trabao di investigacion tocante e mineria ilegal di Armando.Info y El Pais di Spaña, cu a gana e XII Edicion di e Concurso Nacional di Periodismo di IPYS Venezuela.

E organisacion Kape Kape a señala cu e homber di 38 aña di edad a haci na bida un oposicion fuerte contra e presencia di gruponan straño y contra e explotacion di mineria ilegal den teritorionan indigena di e pueblo di Uwottuja na e zona di Alto Guayapo, unda ta existi gruponan cu ta na fabor y otro nan contra di e malversacion ambiental.

LEAVE A REPLY

Please enter your comment!
Please enter your name here