Venezuela: Canada a nenga votacion na embahada Venezolano

(Dolartoday/NoticieroDigital) E canciyer Venezolano, Jorge Arreaza, a sigura cu gobierno di Canada a viola e derecho di sufragio “di mas di 6.000 Venezolano” pa no permiti cu a instala e mashinnan di votacion den embahada di Venezuela na e pais.

Esaki ta e nota diplomatico a traves di cual gobierno di Canada ta pretende viola e derecho di sufragio di mas di 6.000 Venezolano cu ta vota den e pais aki. Un hecho insolito, impedi e derecho di voto. Diplomacia obsesivo straño”, e diplomatico a publica.
Despues di a solicita na gobierno di Canada permiso pa instala e mashinnan electoral na e embahada di Venezuela en bista di e eleccion di diadomingo proximo, gobierno Canades a indica cu, te na e momento ey “no a procesa e peticion faborablemente.”

E departamento di Asunto Exterior, Comercio y Desaroyo a contesta riba e peticion di e embahada pa por instala e mashinnan di votacion y pa haya servicio di vigilancia di Royal Mounted Police di Canada riba e dia di eleccion.

E departamento ta notifica embahada cu gobierno di Canada no a procesa e peticion faborablemente, e documento publica pa Arreaza ta bisa.

Gobierno di Canada ta sigura a traves di e mesun documento cu Venezuela no tabata cumpliendo cu e reglamentacion vigente, pa cual a urgi nan pa ‘abstene di procede cu e instalacion di stacion pa vota’.

No ta conoci di otro pais riba continente cu a prohibi votacion den e eleccion cu a keda rechasa pa un grupo grandi di pais riba continente Americano, di cual Canada ta forma parti.

 

You May Also Like

Awacero a para pero mas preocupacion pa situacion di hende damnifica

Yobida na norte di Peru a cuminsa baha su intensidad, despues di varios siman ...

Bolivia: Un homber a sorprende un nurse cu tabata abusa di e curpa di su casa

Momento despues di haya e noticia di fayecimento di su casa, un ciudadano di ...

Cuatro funcionario a keda secuestra pa prizonero

Dialuna hobennan pandiyero a secuestra cuatro trahador den un prizon na Guatemala, despues cu nan ...

Venezuela: Con e impacto di un embargo petrolero lo ta?

(lapatilla.com/AFP) – Venezuela lo sufri un impacto catastrofico si Estadonan Uni concretisa e menasa ...

Tribunal Superior a anula poder di Asamblea Nacional; a denuncia golpi hudicial

Maximo tribunal di Venezuela (TSJ) a dicidi pa tuma e competencia y poder cu ...

Venezuela: Ocho tonelada di oro saca di Banco Central y hiba exterior

A saca como ocho tonelada di oro di Banco Central di Venezuela den luna ...