(LaPatilla/VOA) – Miles di Venezolano di e region di La Victoria, estado Apure, a huy pa Colombia cruzando e riu Apure y atendi na Arauquita. Mientras tanto, e hostilidadnan entre ehercito Venezolano y un faccion di e disidentenan di Farc ta sigui sin tregua, causando mas habitante di e region pa busca refugio na banda Colombiano. E otro parti di e disidentenan, bao liderazgo di Ivan Marquez y Jesus Santrich, ta mantene bon relacion cu e regimen Chavista.

Miles di famia a yega na Arauquita, Colombia, na refugionan manera di La Rivera, un di e binti situa na e municipio ey. E situacion na e lugar ey ta complica. Mas di 500 Venezolano ta den e albergue pa mas di un luna caba, desde cu e enfrentamento a inicia entre e dos bandanan cu ta disputando e control riba contrabanda den e region.

Mucha, anciano, hende muher embaraza y hoben ta drumi cerca di otro den tent riba un cancha, no na merced mas di e tironan, pero awor exponi na Covid-19. Awor, castiga pa e conflicto y limita na un espacio minimo, nan ta spera ansiosamente di tende algo di nan familiarnan cu no a logra sali durante e ofensiva y awor nan no sa nada di nan paradero.

“E ta un situacion straño , nan a hiba varios y nos no sa pa unda. Awor nos ta den un situacion bastante critico pasobra nos no por bolbe na nos hogar,” Jose Sanchez ta splica. Den otro noticia di e zona di combate, ta conta di varios habitante cu a aparece morto y bisti como guerrillero, cu arma den nan poder, despues cu ehercito a saca nan for di nan vivienda.

LEAVE A REPLY

Please enter your comment!
Please enter your name here