(NLTimes) – Notanan publica di un reunion di gabinete den cual a discuti e incidente di beneficio social pa mucha, ta mustra cu ministernan a purba di silencia parlamentarionan cu a haci pregunta critico tocante e scandal, den un intento pa limita e daño politico.

Trinta pagina di documento publica dialuna, di un reunion di Gabinete na mei 2019, ta mustra cu e minister actual di Asunto Social, Wouter Koolmees, a expresa su frustracion cu parlamentario di CDA, Peter Omtzigt, kende a hunga un rol crucial den expone e scandal na januari. A cita Koolmees bisando cu Omtzigt y parlamentario di VVD, Helma Lodders en particular ‘no tabata hopi util’ den resolve e problemanan, pero a rechasa cu a purba di silencia parlamentarionan na momento cu a cuestiona nan siman pasa.

“Ami y mi coleganan nunca a bisa ‘bo mester tene bo boca cerca, bo no mester haci pregunta critico’. Nos a pidi hende pa tuma responsabilidad. ‘Yuda resolve’”, minister saliente, Wouter Koolmees (D66) a bisa.

Documentonan publica tambe a mustra cu minister di infrastructura, Cora van Nieuwenhuizen, a bisa ‘di ningun manera’ tabata ‘aceptabel pa [parlamentarionan di e coalicion] tuma un postura mas fuerte cu oposicion’. Maske e no a tuma un rol lider den critica e ‘parlamentarionan excesivamente curioso’, prome minister encarga, Mark Rutte a sostene e ministernan cu a keha, NRC a reporta basa riba su analisis di e documentonan.

E scandal di ayudo social pa mucha, den cual autoridadnan di impuesto a acusa ciudadanonan inocente di fraude, a resulta den daño financiero y emocional, y eventualmente a ocasiona e cu e Gabinete a publica e documentonan cu normalmente ta tene secreto pa un periodo di binti aña. Tweede Kamer a pidi pa publica e documentonan despues cu a revela cu e Gabinete intencionalmente no a manda informacion importante na e congreso.

“Ta horibel pa lesa cu Gabinete Rutte tabata mas ocupa cu tapa esaki na luga di resolve e miseria di mayornan inocente den e scandal di ayudo social”, segun lider di Partido Socialista, Lilian Marijnissen a bisa riba Twitter.

“Ignora e problemanan, critica parlmentarionan critico, y oculta informacion a ser considera mas importante cu haya e berdad y yuda e victimanan”, segun lider di PvdA, Lilianne Ploumen.

LEAVE A REPLY

Please enter your comment!
Please enter your name here