Venezuela a exporta alrededor di 388.100 bari pa dia di crudo y combustible na juli, casi igual na e luna anterior, ya cu e sancionnan di Merca contra Pdvsa a sigui limitando benta den exterior, segun Refinitiv Eikon y dato interno di Pdvsa mes.

Washington a aumenta presion e aña aki riba cliente, socio comercial y transportista di Pdvsa, cu e obhetivo di detene e benta di petroleo Venezolano y bloquea e intentonan di cambia o sconde e pais di origen. Esaki ta haci cada vez mas dificil pa e clientenan di e empresa estatal pa logra haya transporte pa nan petroleo.

Un total di 20 carga di crudo y producto refina a sali di e pais, cu India surgiendo atrobe como e principal destino, cu un tercio di e exportacion total, segun e datonan.

Na comienzo di juli Reliance Industries na India a reanuda importacion di crudo Venezolano despues di un pausa di tres luna pa e sancionnan di Merca. E compania a solicita permiso di Departamento di Tesoro di Merca pa cambia petroleo pa diesel.

Pero e recuperacion di e exportacion pa India no tabata suficiente pa compensa e perdida di otro cliente di petroleo Venezolano den ultimo lunanan, 1,8% bao di cifra di luna pasa, pero 60% bao di e nivel di benta di juli 2019. Venezuela tambe a exporta 88.065 bpd pa Europa y 85.260 bpd pa Cuba, segun e datonan.

E importacion di combustible cu ta yega Venezuela, unda tin problema serio atrobe cu e demanda interno di gasolin cu a aumenta atrobe den ultimo lunanan, despues cu Iran a trece un solucion temporal. Na juli importacion a cay te 19.000 bpd, di 63.600 bpd na juni.

LEAVE A REPLY

Please enter your comment!
Please enter your name here