Presidente interino di Venezuela, Juan Guaido, a denuncia diabierna cu e regimen di Nicolas Maduro no ta permiti e ingreso na Venezuela di e Programa Mundial di Alimento (WFP pa su siglanan na Ingles) di ONU a pesar cu ‘9.3 miyon Venezolano ta den riesgo’ alimenticio.

“E regimen no a permiti pa WFP drenta Venezuela pasobra ta parti di e mecanismo di control social di e dictadura di Maduro di distribucion discrecional di alimento pa por controla”, Guaido a bisa den un foro na Americas Society/Council of the Americas.

E presidente a lamenta cu WFP no a logra ingresa na e pais a pesar cu awendia ‘9.3 miyon Venezolano ta den riesgo, den vulnerabilidad y insiguridad alimentario’.

“Ta p’esey e Venezolanonan awe ta cana bay Colombia, Peru, of cu hopi mas riesgo ta usa boto sin ningun tipo di seguridad pa purba yega Trinidad & Tobago,unda ta manda nan back y unda ademas tin un schema di traficacion di hende, traficacion di organo”, el a agrega.

El a sigura cu e Venezolanonan ‘ta enfrenta un dictadura’ cu ta preferi no acorda cu WFP y ademas persigui organisacionnan humanitario sin fin di lucro, na mes momento a haci referencia na e negativa di e regimen pa duna visa na Medico Sin Frontera.

LEAVE A REPLY

Please enter your comment!
Please enter your name here