Venezuela: Guaido ta confirma 5 mil protesta den henter pais

Presidente interino Juan Guaido a manifesta ayera cu tabatin mas di 5.000 protesta cortico, entre 12:00 or di merdia y 14:00 or di atardi, den henter e pais, como muestra di rechaso di e crisis den cual e pais ta pasando y pa reclama terminacion di e “usurpacion di poder” di banda di Nicolas Maduro den presidencia.

Sin embargo, e no a ofrece detaye acerca di e cantidad di persona cu por a participa na e protestanan.
E propio Guaido a convoca e manifestacion diadomingo pasa, cu a pidi e simpatisantenan pa nan actua di manera pacifico y no blokea e camindanan, pero keda riba acera. Asina en principio cada skina di cada caya den henter e teritorio por a converti den un manifestacion.

Agencia EFE por a constata cu den parti oriental di Caracas, un teritorio considera bastion di oposicion, e protestanan tabata modera y e rutina diario a sigui su curso.

Pero den centro di e capital, unda tin e barionan mas pober, varios centenar di persona a concentra den cercania di Hospital J.M. De los Ros, unda ta atende mucha y adolescente, mientras nan tabata lansa consigna contra Maduro y tabata lanta borchi cu tabata denuncia e “crisis humanitario” den cual e pais ta pasando. Tambe tabatin un grupo di ‘colectivo’ Chavista riba motorcycle cu tabata intimida e manifestantenan. Riba rednan social tambe tabatin notificacion di varios manifestacion similar den varios otro ciudad di e pais.

You May Also Like

Colombia kier prepara pa colapso inminente di Venezuela

Ministro di Finanzas di Colombia, Mauricio Cárdenas, a anticipa diarason pasa riba e colapso ...

Dos militar asesina pa un grupo di mucha

Un crimen a conmove poblacion na Venezuela, cu ta nenga di custumbra na biba ...

Graffiti ilumina proyecta riba prototipo di muraya di Trump como protesta

Un grupo di artista lidera pa e fotografo y escritor Jill Holslin, radica na ...

Shete morto y varios persona herida pa via di yobidanan fuerte na Sao Paulo

Shete persona a fayece y varios a resulta herida pa yobidanan fuerte cu a ...

Caribe: Reino Uni ta obliga Caribe Britanico mantene registro di ‘beneficial owner’

E teritorionan di ultramar Britanico (British Overseas Territories;BOT) lo ser obliga di haci e ...

Cerca di 20 mil Venezolano a emigra pa Republica Dominicana den ultimo añanan

Entre 18.000 y 20.000 Venezolano a instala na Republica Dominicana, despues di bandona nan ...