(ElNacional) – Hues Sara Cockerill di Tribunal Superior di London a faya diabierna na fabor di hunta di Banco Central di Venezuela (BCV) designa pa opositor Juan Guaido, den e caso di oro Venezolano deposita na Banco di Inglatera.

Despues di un huicio di cuater dia cu a caba dia 18 di juli, Cockerill, di e division comercial, a considera cu e no por declara bon e sentencia di Tribunal Supremo di Husticia (TSJ) cu a anula e nombramentonan di Guaido na e hunta ey, door di no tin base legal na Reino Uni pa hacie.

E hues no a autorisa, sinembargo, e ekipo opositor acceso na e reservanan di e oro, esey mester wordo determina den otro audiencia, a pesar cu e hunta si ta wordo considera valido y Guaido ta reconoci pa gobierno Britanico como e unico presidente legitimo, di forma interino, di e pais Latino Americano.

E hunta di BCV designa pa Nicolas Maduro a indica na EFE cu nan tin plan di apela e veredicto, cu ta wordo produci despues cu na 2021 Tribunal Supremo Britanico ya caba a dicidi ariba diferente cuestionnan preliminar.

Asina, e maximo instancia hudicial di Reino Uni a establece cu Ehecutivo di London ta reconoce Guaido solamente, y no Maduro, na mando di Venezuela y cu por lo tanto, e actonan y decisionnan di e opositor mester wordo considera soberano basa ariba e doctrina legal Ingles di Un Solo Voz, cu ta obliga e categorianan di e Estado procede den forma unifica den politicanan exterior.

Cockerill mester a determina si husticia Ingles tabata por acepta e sentencianan di e Supremo di Caracas cu tabata invalida e nombramentonan di Guaido na su hunta ad hoc, ya cu nan mester wordo mira como actonan soberano.

Den su veredicto, e hues a indica cu e fayonan ey, pilar di argumentonan legal di parti di e banda di Maduro, efectivamente ta invalida e nombramentonan di Guaido, pero el a conclui cu e falta base den su hurisdiccion pa acepta nan.

Ademas, el a apunta cu aunke e lo por wordo reconoci, haci esaki lo drenta den conflicto cu e doctrina di Un Solo Voz.

E reconocemento lo supone tambe, manera e abogado di e banda di Guiado a bisa, un violacion di e derecho di e opositornan na un huicio husto, ya cu nan no tabata presente ni a wordo cita na momento cu TSJ a pronuncia nan mes ariba nan caso.

Cockerill si a observa no obstante cu e banda di Guaido no a aporta suficiente prueba den nan alegacionnan cu ta demostra cu Tribunal Supremo Venezolano no ta independiente ni imparcial.

LEAVE A REPLY

Please enter your comment!
Please enter your name here