Venezuela: India ta para exportacion di diluyente pa Pdvsa

E empresa di India, Reliance Industries Ltd, operador di e compleho di refinacion mas grandi di mundo, a declara diaranson pasa cu a suspende suministro di diluyente na Pdvsa, y a afirma cu no lo reanuda esaki te cu lanta e sancionnan Mericano. Reliance Industries Ltd, ta di e di cuatro compleho di refineria mas grand di mundo.

Gobierno Mericano ta preparando pa impone den e proximo dianan, sancion “significativo” contra institucionnan financiero cu ta haci negoshi cu gobierno di Nicolas Maduro, segun e delegado special di Merca, Elliott Abrams.

Pdvsa tabata importa aproximadamente 100.000 bari diario di nafta, principalmente di Merca, pa mescla cu 400.000 bari di crudo extra pisa y haci esaki explotabel. E filial cu sede na Houston di Reliance tabata suministra diluyente na Venezuela. E medida ta obliga Venezuela busca alternativa pa compra di diluyente.

Reliance, un consorcio di India controla pa e multimiyonario Mukesh Ambani, tin un importante exposicion na e sistema financiero di Merca, unda tin algun subsidiario ta opera, cu ta den negoshi di petroleo y telecomunicacion. Entre otro.

Reliance no a aumenta compra di petroleo di Venezuela, e compania a contesta riba e-mail di Reuters cu tabata busca comentario riba e asunto.

Den otro noticia, e cifranan di februari di OPEC pa loke ta produccion di crudo ta mustra cu tabatin un caida pronostica di produccion total di e cartel, di 221.000 bari pa dia, yegando na 30,54 miyon bari pa dia. Di e caida di produccion mas di mita lo ta pa e caida na miembro Venezuela, unda produccion a cay cu 142.000 bari pa dia, compara cu januari 2019.

 

 

You May Also Like

Bolivia: Oposicion lo bay OEA pa detene candidatura di Evo Morales

Oposicion Boliviano lo busca un accion di Organisacionnan di Estadonan Mericano (OEA), Corte Interamericano ...

Partidonan politico ta prohibi pa organisa loteria pa recauda fondo

WILLEMSTAD –Partidonan politico no por organisa un loteria di bienes pa recauda fondo. Esaki ta ...

Chile: Piñera ta critica Bachelet pa no condena ‘dictadura di Maduro’

SANTIAGO (NTN24) – E presidente Chileno, Sebastian Piñera a reprocha su antecesor y alto ...

Tension na Venezuela: Tur esfuerso ta ser haci pa ‘benta abou’ gobierno di Nicolas Maduro

Aviso pa no biaha, manifestantenan riba caya, tanker militar cu a pasa trapa riba ...

Corsou kier extension temporal pa normanan stricto di presupuesto

WILLEMSTAD – Miembro di parlamentario Hulandes di e partido CDA, Chris van Dam, a manda ...

Violencia y crimen: menasa pa Caribe

Paisnan den Caribe ta gaba cu nan ta ofreciendo un ambiente idilico, unda playanan ...