Facebook ta culpa eror di server pa su caida di mas largo den historia

E red social a haya su mes den problema den anochi di diaranson, segun e website di tracking, Down Detector. Actualmente, mas cu 24 ora despues, usuarionan a logra acceso completo.

Ayera, Facebook a culpa e problema riba un ‘cambio di configuracion di server’, bisando cu a resolve e problema y cu ‘nos sistemanan ta recuperando’.

Instagram tambe a cay pa varios ora, cuminsando rond di e mesun tempo. Sinembargo, e cuenta oficial di Instagram riba Twitter a anuncia cu e plataforma tabata bek pa 9.41pm PT diaranson. Usuarionan durante dia a post riba Twitter cu nan tabata mira un mensahe bisando cu Facebook tabata ‘fuera di servicio pa mantencion’. Otro usuarionan purbando di post status riba Facebook, incluyendo staf di cnet, a ricibi mensahenan bisando ‘algo a bay fout’. E caida a afecta usuarionan na Merca, Europa, Sur America, Australia y Asia, segun un mapa di Down Detector.

Usuarionan di WhatsApp, cual Facebook ta su doño, tambe a reporta cu nan tabatin problema pa manda potret riba e app. Compania di realidad virtual, Oculus, tambe di Facebook, a reporta cu su usuarionan tambe tabatin problema hayando acceso y uzando e plataforma.

Facebook, cu ta gana placa door di bende aviso, tambe tabatin problema cu su productonan di aviso.

Facebook a bisa riba un tweet diaranson cu e problema no tabata un atake cibernetico conoci como ‘distributed denial-of-service’ (DDoS), den cual hackernan ta purba di crash e website door di yena esaki cu mas trafico cu su servernan por maneha.

Esaki no ta e prome caida di Facebook. Na november, e red social a cay pa via di un eror causa pa un test cu e compania tabata coriendo. E caida ey a dura como 40 minuut.

E mesun luna, Facebook y Instagram a cay pa algun ora pa motibo di locual Facebook a bisa tabata un configuracion di server. Sinembargo, esaki ta e caida di mas largo den historia di e compania. E record anterior tabata na 2008, ora Facebook tabatin apenas 125 miyon usuario.

 

You May Also Like

ISIS ta tuma responsabilidad pa atake fatal na Kabul cu a mata 41 persona

ISIS a bisa di tuma responsabilidad pa un atake na centro cultural Shia den ...

Temor pa crisis humanitario na Puerto Rico

E devastacion cu horcan Maria a laga atras, unda el a ranca cas, infrastructura, ...

534131411c9b9b2c830f6a70670025ec.jpg

Tiramento na Oregon Umpqua Community College

ROSEBURG – Chris Harper Mercer, e mucha homber di 20 aña cu a causa ...

9 Naufrago rescata despues candela riba boto

Defensa Hulandes ta informa cu nan a rescata 9 naufrago diasabra di un boto ...

Kim: “E loco di Trump ta bay paga pa su discurso”

Kim Jong Un, lider di Noord Korea, a bisa cu e remarkenan di presidente ...

adeletrump.jpg

Adele: ”Donald Trump no tabata tin permiso pa uza mi musica”

E candidato Republicano, kende su slogan ta ”Ban haci America grandioso atrobe”,  ta recientemente ...