(LaPatilla/Bloomberg) – Industria di tabaco na Venezuela ta pasando den e temporada mas dificil di su existencia, como consecuencia di un aumento exponencial di comercio iregular y ilicito, cu a yega na 44%, desde e flexibilizacion pa producto importa aplica na e puertonan na 2019.

Ni durante e blackoutnan, ni siquiera den e pandemia di Covid-19 e benta di cigaria nacional a keda asina afecta manera den actualidad. Cigarrera Bigott, cu mas di 100 aña di existencia, a sufri un caida abrupto di su benta y produccion, cu e presencia di mas di 130 marca stranhero, cu segun nan informe, no ta paga e impuesto specifico pa cigaria.

Di parti di e gerencia legal di e compania dedica na manufactura di cigaria, Miguel Benzo ta splica na Bloomberg con e mercado ilicito tabata creciendo, incluso den zonanan di Caracas y interior di e pais, unda antes e no tabata existi o cu presencia minimo.

“Nos a splica esaki di mil manera na gobierno, e situacion ta complica. Anteriormente esaki tabata drenta via e ‘trochanan’ for di Colombia, y tambe den lancha rapido via Falcon, for di Aruba. E negoshi ilicito tabata concentra na Zulia, Falcon y Lara. Awendia, nos ta papiando di entre 2,5 y 3 miyon cigaria, loke ta imposible cu e ta bin solamente di e trochanan, esey ta drentando via puerto y aeropuerto,” Benzo ta insisti, mientras e ta mustra riba e falta di control fiscal y di aduana pa producto importa.

E empresa di e marcanan Belmont, PallMall, Lucky Strike, Viceroy y Universal, cu emplea mas di 12.000 persona directo y indirecto, ta haya su mes obliga na lidia cu e ‘competencia desleal’, mientras e ta haya presion di e autoridadnan recaudador, di Servicio Servicio Nacional Integra di Administracion Aduanero y Tributario (Seniat), pa contribui mas.

LEAVE A REPLY

Please enter your comment!
Please enter your name here