E supuesto biahe clandestino na Venezuela, dia 19 di augustus ultimo, di dos empresario di Cabo Verde pa busca e libertad di Alex Saab tabatin un consecuencia hudicial nobo. Polis Hudicial di Cabo Verde a tene un inval den oficina y cas di empresario farmaceutico miyonario Fernando Gil Evora y Carlos Anjos, investiga pa supuestamente biaha na Caracas riba un avion priva pa papia directamente cu Nicolas Maduro riba e caso Saab.

E medida ta conoci poco despues cu El Tiempo a revela cu Saab a ser nombra embahador permanente y plenipotenciario di Venezuela na Africa, cu supuesto inmunidad absoluto.

E inval a ser ehecuta pa inspectornan di Polis Hudicial lidera pa Vital Moeda – y segun medionan local – a hiba nan computer personal y respectivo celularnan den un operativo simultaneo ehecuta den ultimo dianan.

Esaki, incluso, por ta un medida previo na e definicion di e situacion huridico di Gil Evora y Carlos Anjos, ken ainda no a ser acusa.

Segun Ministerio Publico, e reunion di e dos ehecutivonan cu e regimen, por configura e delito di usurpacion di autoridad, previsto den articulo 312 di Codigo Penal y sanciona cu pena di prison di 1 pa 5 aña.

“Esaki ta e stap prome cu dicidi si lo acus’e of no. Ta spera cu lo haya den nan computer y celular mensahenan tocante e trasfondo berdadero di e contactonan cu Venezuela”, un fuente anonimo a comenta.

Gobierno di Cabo Verde ya a tuma e medida di destitui Gil Evora di e cargo di presidente di conseho di administracion di e Empresa Publico di Importacion y Distribucion di Producto Farmaceutico (Emprofac).

LEAVE A REPLY

Please enter your comment!
Please enter your name here