(LaPatilla) – Regimen di Nicolas Maduro ta haci maniobranan pa atrasa e proceso cu ta sigui contra di su dictadura na Corte Penal Internacional (CPI). Cu reformanan hudicial y un par di liberacionnan, e chavismo ta purba laba e cara di un expediente cu ta suma mas di 250 presonan politico y ta inclui señalamento severo di violacionnan sistematico di derechonan humano y crimennan di lesa humanidad. Diamars a muestra mas reciente a tuma luga.

Dos di e tres activistanan di Fundaredes cu a keda deteni na juli, Omar de Dios Garcia y Rafael Tarazona, a keda den libertad. Su director, Javier Tarazona, sinembargo ta sigui den prison.

For di varios aña caba, e ONG ta denuncia energeticamente e presencia di gruponan di militarnan Colombiano na Venezuela den acuerdo cu e chavismo. Nan a wordo acusa di “terorismo y traicion contra e pais”.

E movimentonan aki ta tuma luga den bispo di e bishita di e fiscal di e CPI, Karin Khan, cu den su tour den America Latino lo pasa na Venezuela na final di e siman aki. E ta un bishita cu e regimen ta promove cu e intencion di duna señalnan di apertura y di cambionan den e sistema di husticia, considera un brasa opresivo di e gobierno den e ultimo informe di e Mision Independiente di e Nacionnan Uni.

E fiscal anterior di e CPI, Fatou Bensouda, a considera cu tabatin evidencia rasonabel pa investiga crimennan di lesa humanidad a Venezuela.

E decision di e apertura di e investigacion ta wordo spera for di juli, ora cu e fiscal nobo di e CPI a asumi su cargo, fiscal cu awo a dicidi di haci un bishita na e pais pa tuma e decision sin duna su ultimo voto di confiansa.

LEAVE A REPLY

Please enter your comment!
Please enter your name here