(CuraçaoChronicle) – Gabinete Rutte a acepta e invitacion di oposicion Venezolano pa ta un observador den e proceso di negociacion cu regimen di Maduro como Reino Hulandes.

“Como su bisiña inmediato, Reino Hulandes ta continua trahando activamente cu comunidad internacional, incluyendo e Grupo di Contacto Internacional (ICG na Ingles) y Union Europeo, pa haya un solucion politico na e crisis politico, humanitario y economico andando an Venezuela”, segun minister di Relacionnan Internacional, Ben Knapen a bisa den parlamento Hulandes ayera.

“E gabinete a tuma nota di decision di HV Borrel pa manda un mision di UE di observacion di eleccion pa observa e proximo eleccionnan local y regional dia 21 di november na Venezuela. E eleccionnan aki ta tumando luga contra e background di un proceso di negociacion entre oposicion (Plataforma Unitaria) y e regimen, cu a cuminsa e herfst aki bao auspicio di gobierno Noruego na Ciudad de Mexico. Meta di e negociacionnan aki ta pa yega na un solucion politico duradero na e crisis na Venezuela.”

“Misionnan di observacion di eleccion di UE ta independiente y imparcial y tin e unico proposito di examina tur aspecto di e proceso electoral di acuerdo cu standard di UE/internacional pa eleccion democratico y duna un declaracion riba con a conduci e eleccionnan aki”, el a continua. “Esaki ta inclui evalua e eligibilidad di e candidatonan, participacion liber di partidonan di oposicion, acceso na prensa y estado di urnanan di votacion riba dia di eleccion. Como un pais bisiña directo, Reino Hulandes ta continua trahando hunto cu comunidad internacional, incluyendo ICG y UE, pa pa haya un solucion politico na e crisis politico, humanitario y economico na Venezuela.”

“Esaki tambe ta e motibo pakico Reino Hulandes a acepta invitacion di oposicion pa participa como un observador di e proceso di negociacion entre oposicion Venezolano y e regimen. Rusia tambe a wordo pidi pa observa eleccion. Esaki ta un proceso entre oposicion y e regimen. Gobierno Noruego ta facilita y identifica e proximo pasonan den e proceso unda cu ta necesario. Segun acuerdonan cu delegacion Noruego y e partidonan negociando, Hulanda no ta bay duna mas declaracion riba e proceso confidencial aki.”

LEAVE A REPLY

Please enter your comment!
Please enter your name here