(LaPatilla) – Plataforma Unitaria Democratico a emiti un comunicado diadomingo 14 di augustus den cual nan ta afirma cu nan lo sigui apoya e protesta di e trahadonan publico te ora nan logra e exigencia di nan derechonan.

Desde algun dia caba varios gremio a sali riba caya di Venezuela pa exigi nan derechonan, entre nan e delegacion di e instructivo di Oficina Nacional di Presupuesto, pasobra e ta viola e derechonan di e contractnan di e funcionarionan publico.

“For di Plataforma Unitario Democratico nos lo sigui bringa hunto cu e trahado-, gremio-, sectornan, sociedad civil, pa exigencia di tur e schaalnan salarial, contractnan colectivo, anulacion di e instructivo ONAPRE, mehoracion social y economico, te logra e libertad definitivo di Venezuela a traves di eleccionnan husto, liber y transparente, cu lo ta e garantia di berdad pa e recuperacion di calidad di bida di tur e Venezolanonan”, e documento a señala.

Plataforma Unitario Democratico ta respalda y compaña e lucha di e trahadonan Venezolano, ken siman tras di siman di protesta a logra pone presion riba e regimen den e exigencia di nan derechonan, como tambe compaña e lucha di tur e sectornan cu diariamente ta demanda solucionnan urgente.

Durante 22 aña e trahadonan Venezolano a mantene un lucha constante pa exigencianan laboral husto, di acuerdo cu e realidad social, politica y economico cu e pais ta pasando aden, cu despues di periodonan largo di hiperinflación a destrui e poder adkisitivo y su calidad di bida.

 

LEAVE A REPLY

Please enter your comment!
Please enter your name here