(LaPatilla/Argus) – Recientemente e empresanan petrolero di exterior y e contratistanan local a urgi gobierno Chavista y empresa estatal Pdvsa pa paga e debe acumula y dividendo atrasa pa un suma di 25 biyon dollar. E cifra ta di acuerdo cu calculacion den un documento cu ta den man di agencia noticiero specializa Argus.

Den un carta dirigi na titular di Comision di Petroleo y Energia di Asamblea Nacional Chavista, Angel Rodriguez, Asociacion Venezolano di Hidrocarburo (AVHI), cu ta representa interes di e empresanan petrolero mas grandi na e pais, Camara Petrolero di Venezuela (CPV) y Asociacion Venezolano di Procesador di Gas (AVPG), a pidi un dialogo permanente entre ministerio di Petroleo, Pdvsa, poder legislativo y gremionan di e sector pa atende e cumplimento di e contratonan.

Tambe nan a solicita mas formalidad den maneho di e convenionan cu e empresanan mixto y licencianan di gas natural existente; y e “pago oportuno di e debenan financiero, comercial y di dividendo; y optimalizacion di e gerencia autonomo den sentido operativo, financiero, laboral, di seguridad y ambiental di e empresanan mixto”. Ademas nan a haci un yamado na autoridadnan pa reforma legislacion petrolero pa sector priva por controla e empresanan mixto.

E carta firma pa presidente di AVHI, Luis Xavier Grisanti; presidente di CPV, Reinaldo Quintero, y titular di AVPG, Miguel Rivero, ta coincidi cu un esfuerzo di e regimen pa reforma Ley di Hidrocarburo pa habri caminda pa ehecucion di e contratonan nobo di servicio.

Entre miembronan di AVHI tin Chevron (USA), CNPC (China), Rosneft (Rusia) Eni, Shell, Total, Equinor, Galp y Perenco di Union Europeo, ONGC Videsh di India y Pluspetrol di Argentina.

Situacion actual ta critico debi na caida di produccion y desinversion financiero y operativo, provoca pa factor interno y externo manera e sancionnan di Merca,” e carta ta bisa.

LEAVE A REPLY

Please enter your comment!
Please enter your name here