Home Internacional Venezuela: Prohibicion di importacion di petroleo Venezolano lo afecta refineria na Merca

Venezuela: Prohibicion di importacion di petroleo Venezolano lo afecta refineria na Merca

727

(lapatilla.com/Bloomberg) – Si Estadonan Uni prohibi e importacion di petroleo di Venezuela, Valero Energy Corp. y Chevron Corp., entre otro, por ta esunnan cu ta paga e cuenta.

Merca ta considerando prohibi e importacion di petroleo di Venezuela y exportacion di producto deriva di petroleo, pero ta cauteloso cu e daño na empresanan Mericano, asina e  secretario di Estado, Rex Tillerson a declara diadomingo pasa. Ademas di exporta petroleo pa Merca, e empresa estatal Pdvsa tambe ta exporta combustibel pa avion pa Merca, y ta importa petroleo permiano y nafta, diluyentenan uza pa yuda transporta e petroleo Venezolano via oleoducto.

Valero ta e mayor cumprado di petroleo Venezolano, importando 207.800 bari pa dia na november pa su refinerianan na Texas y Louisiana. Chevron ta e di dos cumprado mas grandi. E filial di refinacion Mericano di Pdvsa, Citgo Petroleum Corp. tabata ricibi cada biaha menos petroleo di su holding debi na e caida di produccion.

“Aunke e produccion ta bahando, e utilisacion di e refinerianan ta bahando na Venezuela y p’esey por mantene crudo disponibel pa exportacion”, Gary Simmons, vice-presidente di suministro di Valero, ta bisa dia 1 di februari den e anuncio di ganashi di e di cuatro trimester di 2017 di e compania. Vocero de Valero, Lillian Riojas, no a responde inmediatamente riba un solicitud di comentario adicional.

Tempo cu e petroleo di e reserva bituminoso di Orinoco ni sikiera tabata riba mapa, e refinerianan di Texas te Mississippi a inverti miles di miyon den ekipo pa procesa crudo pisa y barata di paisnan manera Venezuela, Ecuador y Colombia. Asina Venezuela a bira dependiente di e demanda di e costa di Golfo di Merca, hogar di un di e gruponan di refineria mas grandi di mundo, fabricantenan di combustibel Mericano, cu a cuminsa depende cada biaha mas di crudo Venezolano. Awor e ta e di dos proveedor di crudo mas grandi na e plantanan di e costa di Golfo, despues di Mexico.