CAR301. CARACAS (VENEZUELA), 18/05/2018.- El expresidente del Gobierno español José Luis Rodríguez Zapatero (i) se reúne con el presidente venezolano, Nicolás Maduro (d), hoy viernes, 18 de mayo de 2018, en Caracas (Venezuela). Luis Rodríguez Zapatero dijo que desea que las elecciones presidenciales que se celebrarán en Venezuela este domingo en las que participará como observador, se desarrollen de manera pacífica y "con todas las garantías". EFE/Cristian Hernández

Ex-ministro presidente di Spaña Jose Luis Rodriguez Zapatero ta insisti cu proximamente lo tin “dialogo cu acuerdo y salida electoral” na Venezuela, y ta adverti cu comunidad internacional “ta condena e pais pero nan ta mal informa.”

Zapatero a reuni diabierna pasa cu Nicolas Maduro na Palacio Miraflores na Caracas, un biahe cu gobierno di Spaña a califica di “a titulo personal.”

Den un entrevista publica ayera den e diario digital El Español, e ex-ministro presidente socialista (2004-11) a subraya cu Spaña mester yuda den resolucion pacifico di e conflictonan na Latinoamerica “pero comprendiendo e complehidad y pluralidad, tin vez radicalisa.”

Desde 2015, tempo cu Rodriguez Zapatero a fungi como observador electoral, e tabata vincula cu Venezuela, te na e punto di sirbi como mediador entre Maduro y oposicion, den un proceso unda opositornan di Chavismo a yega na considera Zapatero un simpatisante di gobierno di Maduro.

Zapatero ta splica den e entrevista cu e version cu tin den opinion publico internacional ta incorecto y fruto di interesnan politico, pero cu e realidad Venezolano no ta “blanco o preto”.

E ta señala cu e caminda cu comunidad internacional a sigui, impulsa pa presidente Mericano Donald Trump, “ta ekiboca, plaga di mal informacion di loke ta pasando eynan, saliendo di supuesto falso y ademas pasando pa e recorido ey semper riesgoso cu ta esun di salta regla.”

E ta insisti cu di Venezuela a conta un parti so di e realidad. E ta un pais ruman, tin dos bloke cu ta parce ireconciliable y mester pone nan di acuerdo cu respet pa regla,” Zapatero ta bisa. Den su opinion, “ nos no ta leu di mira un proceso den cual ta surgi un dialogo cu acuerdo y salida electoral. E lo sirbi di les pa comunidad internacional.”

LEAVE A REPLY

Please enter your comment!
Please enter your name here