Venezuela: Sistema electrico ta rekeri por lo menos 34 mil iyon dollar pa recupera

(LaPatilla) – 13 estado a keda afecta pa e blackout di dia 12 di september pa 7or di anochi, despues di un candela na e centro Santa Cruz, na e estado Aragua, provoca pa e explosion di un transformer di 100 MVA.

Pa e minister di energia electrico, Nestor Reverol, e accident ta trata di un “atake terorista nobo” contra e Sistema Electrico Nacional (SEN), pero pa e representantenan di e Asociacion Venezolana de Ingenieria Electrica, Mecanica y Careras Afines (Aviem). E hechonan ta consecuencia di 17 aña di corupcion y inversion inadecua, cu a haci cu e sistema di generacion electrico, di transmision y di distribucion uno vulnerabel.

“Den e ultimo dianan fayonan den e Sistema Troncal 765 kV a presenta y esakinan a afecta un di e gruponan di tres kabel electrico cu ta trece electricidad for di e Embalse Guri ten a e centro y e occidente di e pais. E faya aki tabatin mas repercusion na e cntro Santa Cruz di Aragua, cu tin mas di 45 aña di servicio y ta den e mesun condicion cu e 550 centronan di e pais; bandona. For di hopi tempo e centro aki no tin un sistema di conexion na tera, pasobra mas sigur el a wordo horta, y e tin problema cu e servicionan di ayudo, cu ta e ekiponan di supervision, proteccion y control cu ta permiti su funcionamento”, ingeniero Joe Carillo, representante di Aviem Lara, a conta La Prensa.

Segun fuentenan specialisa di Aviem, di e Sociedad di e Colegio de Ingenieros de Venezuela, for di 2004 te cu 2019 e gobierno ta bisa cu a inverti entre 50  y 70 mil miyon di dollar den e SEN, pero actualmente no tin ningun obra material cu ta hustifica e cifranan ey. E mayoria ta proyectonan incompleto cu bira olifantenan grandi.

“E SEN tin e capacidad pa genera 34 mil megawatt, ta necesario e inversion d un miyon di dollar mas o menos pa recupera cada megawatt na e pais. E sistema electrico Venezolano mester inverti entre 34 y 40 mil miyon di dollar, y ta resulta cu e gobierno ta bisa cu nan a inverti mas cu e suma ey, pero no ta sigui cu blackout tras di blackout”, un Fuente di Aviem a indica, ken a pidi pa keda anonimo.