(LaPatilla) – Un biaha mas e studiantenan di Universidad Central de Venezuela (UCV) a exigi autoridadnan Venezolano pa lesnan presencial cuminsa back e aña aki.
E consehero universitario di UCV, Jesus Mendoza, a sigura cu e mayoria di e facultadnan di UCV no tin actividadnan presencial y como consecuencia diferente careranan a wordo afecta door cu tin componentenan di practica cu nan no por realisa.
Tambe Mendoza a enfatisa cu actualmente e profesornan ta ganando 15 dollar pa luna y e beca di studiante ta na 6 bolivar.
Mester recorda cu aña pasa, e ehecutivo nacional a anuncia cu dia 25 di october 2021, e lesnan lo bay back na manera presencial, pero te cu fecha esey no a wordo cumpli.
Aunke solamente nuebe facultad for di aña pasa a cuminsa cu lesnan semi-presencial y e resto a continua cu lesnan via online.
Al menos 2.300 persona entre studiantenan, personal obrero, administrativo y profesornan a ricibi nan vacuna pa e regreso di lesnan presencial.
Ademas e studiantenan a exigi cu e Estado Venezolano mester suministra tur elemento di seguridad pa nan por proteha nan mes contra COVID-19.
Otro di e puntonan cu nan a denuncia tabata e presupuesto aproba di parti di e ehecutivo nacional, cu no ta yega ni na 2% di locual a wordo solicita pa e universidad, mientras cu institucionnan manera VTV a ricibi un presupuesto mas grandi cu e cas di estudio.
