(NLTimes) – Despues di un disminucion causa pa coronavirus, e huur di casnan den sector priva ta subiendo rapidamente atrobe.

Den e ultimo kwartaal di 2021, e huurdonan nobo a paga un averahe di 5.3 porciento mas cu e aña anterior, segun website di vivienda Pararius. Huur den sector priva awo ta un averahe di 17.02 euro pa cada meter cuadra, cual ta lo mas halto cu nan a yega di ta desde cu a cuminsa midi esaki den aña 2021.

“E aumento aki no ta sorprendente,” Jos de Groot, director di Pararius a expresa. “E demanda ta hopi halto, y e suministro ta abao. Pa e motibo aki e prijsnan siguramente lo aumenta.”

E aumento di e prijsnan pa casnan ocupa pa e dono ta motivando e aumento den huur. Hopi cumprado potencial no por paga pa un cas, cual ta obliga cu nan mester huur. Mirando cu nan salario ta hopi halto pa vivienda social, nan tin cu busca vivienda den e sector priva. Listanan di espera largo pa casnan social ta nifica cu personanan cu si tin derecho na esaki, ta caba den sector priva tambe. “E sector priva ta hopi chikito pa por absorbe e necesidad aki,” De Groot a bisa. “Esaki tambe ta causa cu e prijsnan ta aumenta.”

Huur den sector priva a aumenta den tur provincia. Noord-Holland te ainda ta e provincia mas caro pa huur, cu un prijs averahe di 20.49 euro pa cada meter cuadra pa luna. Sinembargo, renta den e provincia a aumenta solamente cu 0.6 porciento. E otro provincianan manera Drenthe, cu un aumento di 16. 1 porciento, Friesland, cu aumento di 17 porciento y OVerijssel cu aumento di 10 porciento, ta e provincianan mas accesibel cu un averahe di prijs cu ta bao di 12 euro pa cada meter cuadra.

Di e 5 ciudadnan mas grandi na Hulanda, e sector priva su huur a aumenta bao di averahe den Amsterdam cu 1.7 porciento y Utrecht cu 2.9 porciento. Den ambos di e ciudadnan aki, e averahe di e prijs pa cada meter cuadra ta riba di e averahe nacional di 17.02 euro pa cada meter cuadra. Huurdonan nobo di Amsterdam ta paga un averahe di 22.45 euro, y na Utrecht nan ta paga 18.33 europ. Na Den Haag, unda cu e huur a aumenta cu 6.7 porciento, Rotterdam cu un aumento di 9.7 porciento y Eindhoven cuun aumento di 11.7 porciento, e averahe di e prijs ta bao di e averahe nacional.

Tabatin algun municipalidad unda cu e huur a disminui un poco. Na tilburg, e huurdonan nobo ta paga 4.4 porciento menos cu e aña anterior. Na nijmegen esaki a baha cu 0.7.