(LaPatilla/) – Pdvsa a manda Cuba un cargamento di 160.000 bari di gasoil, mientras Venezuela mes ta den un crisis grave di combustible, cu consecuenciagrave pa areanan sensible manera produccion y transporte di alimento.

Di acuerdo cu e dirigente sindical petrolero y dirigente di Asamblea Nacional di Trahador (ANT), Ivan Freites, e cargamento di 25.600.000 litro di combustible a bay Cuba riba un tanker yama “Alicia”. Segun e dirigente, awor exilia na Colombia, e tarifa cu e gobierno Castrista pa litro di gasoil ta apenas 64 bolivar pa litro y cu e flete gratis, mientras e productornan nacional ta obliga pa haya e combustible den mercado paralelo na 2 pa 3 dollar pa litro.

E situacion encuanto produccion di diesel na Venezuela ta confuso. Algun experto ta insisti cu e salida no ta pasa di 40.000 bari pa dia, mientras cuotronanta bisa cu e por yega na 50.000 bari pa dia, pero cu un frecuencia instabiel.

Diesel ta keda bendi na prijs subsidia 100% patransporte di pasahero y di carga. Di acuerdo cu un informacion di agencia noticiero Reuters, Venezuela a ricibi 500.000 bari di diesel den promer importacion desde november 2020. Posiblemente di e barinan ey a sali e cargamento cu a bay pa Cuba. E pais ey tin un problema grave di escasez di combustible, motibo pa cual Venezuela no ta keda sin manda cargamento, a pesar di nan propio escasez.

Mientras tanto, na Venezuela mes operacion ta suspendi por lo menos parcialmente na e refinerianan di Cardon, Amuay y El Palito, pa motibo di fayo tecnico, entre otro di e ‘catalytic cracker’ di Cardon.

 

LEAVE A REPLY

Please enter your comment!
Please enter your name here