Diabierna ultimo Cuerpo di Bombero Hulanda Caribense a reparti alarma di huma na dies ganado di e quiz ‘online’ tocante alarma di huma. E quiz tabata parti di e prome tema di e campaña di prevencion di BKCN, cu como meta pa informa habitante di Hulanda Caribense tocante siguridad di candela y con por yuda bo mes den situacion di emergencia. BKCN a ofrece pa bay instala e alarma di candela na cas di e ganadonan. E di dos tema di e campaña ta trata di medionan pa paga candela pa den cas.
Pa cu e tema aki tambe tin un quiz. Tur hende por participa y di e manera aki ta trata di informa y educa e comunidad di boneio riba prevencion di candela. Esaki ta specialmente pa e muchanan y hobenan pa nan ta mas consiente si nan mester mira un situacion pasa y nan sa kico pa haci. Pa mas informacion tocante medionan di paga candela por subi www.rijksdienstcn.com.
