Canciyer di regimen di Nicolas Maduro a anuncia den un comunicado cu a declara “persona non grata” e personal diplomatico di El Salvador na Caracas, y cu a haya 48 ora pa nan bandona e pais.

E decision di gobierno di Maduro a bin solamente oranan despues cu presidente Salvadoreño Nayib Bukele a ordena diasabra e expulsion di e cuerpo diplomatico di Venezuela acredita na e pais Centroamericano y cu nan a haya 48 ora pa bandona e pais.

Segun un comunicado publica pa e e presidente den rednan social, gobierno di Bukele tambe “ta reconoce legitimidad di e presidente interino, Juan Guaidó, mientras mester realisa eleccion liber den concordancia cu Constitucion Venezolano.” Gobierno Salvadoreño a declara tambe cu su decision ta di acuerdo cu su votacion pa no reconoce regimen di Maduro, hunto cu 20 otro

Den e votacion ey a aproba un resolucion cu ta respalda e informe di e alto comisionado di Derecho Humano, Michelle Bachelet, den cual ta certifica cu e regimen di Nicolas Maduro ta realisa violacion sistematico di derecho humano contra e Venezolanonan.”

Na varios ocasion Bukele, di e ‘Gran Alianza por la Unidad Nacional’ (GANA), a pronuncia contra e regimen di Maduro, tanto cu e mandatario a tuma e decision di no invita presidente Venezolano pa su ceremonia di toma di posesion, cu a tuma lugar dia 1 di juni 2109.

 

LEAVE A REPLY

Please enter your comment!
Please enter your name here