(ElNacional) – Venezuela a ocupa e luga number 128 di 129 pais evalua den e Indice Internacional di Derechonan di Propiedad di aña 2021. El a wordo supera solamente pa Haiti, cu a registra un panorama mas grave di violacionnan di derechonan di propiedad na henter mundo.
E instrumento ta midi anualmente e garantianan pa propiedad priva. E muestra ta abarca mas di 90% di e poblacion mundial, Asina El Impulso a señala, segun e informacion suministra di Centro di Divulgacion di Conocemento Economico pa Libertad.
Alianza Internacional di Derechonan di Propiedad, cu ta desaroya e estudio, ta conforma pa 174 grupo di experto- y investigadornan, den nan tambe e Cedice Libertad. El a señala cu e entorno legal y politico Venezolano tabata e item cu e pio cualificacion di e pais.
Na mesun momento el a indica e numbernan cora na Venezuela den e contexto di derecho di propiedad fisico y di derecho di propiedad intelectual, den cual el a obtene menos di 5 punto di un total di 10 punto. E evaluacion aki ta debi na e restriccionnan legal y atakenan registra contra libertad economico, e empresa liber y e propiedad priva,
E iregularidadnan ey, e informe ta bisa, a continua na e pais durante e cuarentena decretal door di e pandemia di COVID-19.
New Zealand a lidera e Indice Internacional di Derechonan di Propiedad 2021, mientras cu Uruguay a ocupa lugar 22 y a keda den Latino America como e pais cu e miho situacion di derechonan di propiedad. El a supera, cu 6 luga, Chile, cu durante añanan a ocupa e prome luga den e region.
