(AP) — Eleccion presidencial tan anticipa na Venezuela ta bay tuma lugar dia 28 di juli – e cumpleaños di e difunto lider di e pais, Hugo Chavez – segun oficialnan a anuncia riba diamars, pushando door cu un temporada di eleccion preta cu ta profundisa duda riba participacion di e candidato lider di oposicion como tambe di observadornan internacional.
Presidente Nicolas Maduro ta ampliamente spera pa postula pa reeleccion. Su gobierno inicialmente a negocia detayenan di e eleccion cu un fraccion di oposicion sosteni pa gobierno Mericano, pero diferencia entre e bandanan a crece den ultimo dos luna.
E fecha anuncia pa presidente di Conseho Nacional Electoral, Elvis Amoroso, sinembargo si a cumpli cu al menos un demanda di oposicion pa tene eleccion den segundo mita di aña.
Ora Maduro y su adversarionan a bay di acuerdo cu e margen di tempo aki na october, e lunanan te cu e momento ey tabata destina pa permiti mobilisacion di campaña, pa oficialnan actualisa registronan di votador, y observadornan internacional planea y manda un mision.
Crucialmente, e acuerdo di october, firma na Barbados y enfoca riba condicionnan cu intencion pa nivela competencia pa eleccion 2024, tambe a haci un yamado pa ambos banda pa “promove autorisacion di tur candidato presidencial y partido politico” pa participa den e eleccion tanten cu nan cumpli cu ley.
Pero na januari, corte maximo di e pais a ratifica un decision administrativo prohibiendo e adversario mas grandi di Maduro e aña aki, Maria Corina Machado, di postula pa e cargo.
Amoroso, bao su capacidad anterior como comptroller di e pais, a firma e anuncio di inhabilitacion di Machado berano ultimo. E no a menciona Machado su candidatura durante su anuncio televisa nacionalmente diamars, apenas cuatro dia despues cu legisladornan a propone na e Conseho Nacional Electoral – leal na e partido gobernante – mas cu 20 posible opcion, variando for di mita di april te cu december.
Luna pasa, negociador principal di oposicion, Gerardo Blyde a bisa cu e grupo tabata preferi un voto na december.
David Smilde, un experto riba politica Venezolano na Tulane University, a bisa cu gobierno di Maduro ta busca pa cumpli suficientemente cu e acuerdo di Barbados cu e fecha di 28 di juli pa tene esaki na bida, “mientras ta presiona oposicion pa purba di pon’e kibra of abstene.”
“Un resultado ideal pa e chavismo lo ta pa oposicion kibra of abstene, permitiendo Maduro gana riba un dia di eleccion relativamente limpi,” el a bisa. “Y cu menos cu cinco luna, esaki tambe ta pone observacion internacional den un posicion dificil.”
Observadornan internacional tipicamente tin mester di varios luna pa prepara pa un eleccion.
Amoroso a bisa cu ta bay permiti campaña for di dia 4 te 25 di juli.
Machado a insisti durante su campaña cu ta e votadornan, no esnan leal na e partido gobernante, cu tin derecho di tuma decision riba su candidatura. Diamars, el a pidi sostenedornan reuni pa un rally na occidente di Venezuela pa “calma y firmesa” den proximo dianan, pero no a duna splicacion riba con e ta pensa di surpasa e prohibicion den su contra.
Machado a gana un primaria independiente aña pasa organisa pa e Plataforma Unitario, e fraccion di oposicion cu sosten di Merca. El a gana mas di 90% di e voto, cu mas di dos miyon votador presentando pa e primaria incluyendo na lugarnan domina pa partido gobernante di Maduro.
Diamars tabata e di 11 aniversario di morto di Chavez. Smylde a bisa cu partido gobernante ta bay usa su cumpleaños pa mobilisa votadornan.
Mientras candidato di oposicion ta keda den duda, Maduro ta bay busca otro seis aña a cargo. Henter su presidencia di un decada ta marca pa crisis politico, social y economico. Bao su gobierno, miyones di Venezolano a cay den pobresa y mas cu 7.4 miyon a emigra.
