Venezuela topico principal den asamblea di Nacionnan Uni

E situacion critico na Venezuela ta e topico principal den asamblea general di Organisacion di Nacionnan Uni (ONU). Tabata anticipa un declaracion fuerte di presidente Mericano Donald Trump, y e no a desapunta. Trump a declara na e asamblea cu su gobierno lo sigui impulsa rescate di democracia na e pais Sur Americano.

“Nos no por sigui siendo observador, nos tin motibo pa recupera y reactiva democracia di Venezuela,” el a expresa durante su discurso.

Trump a destaca cu su gobierno a impone sancion riba funcionarionan di e regimen di Maduro y cu, si no tin rescate di democracia, nan lo sigui aplica medida.

“Nos a pone sancion pa Venezuela, nan a hiba un nacion prospero te na collapse. Nos ta dispuesto di sigui implementa medida, si nan ta insisti den impulsa un regimen totalitario,” el a comenta.

E presidente Mericano a splica cu e Venezolanonan ta bibando momentonan dificil y cu hopi ciudadano ta pasa hamber. Maduro a reta su propio pueblo, el a crea miseria tur caminda, el a agrega.  E mandatario a anuncia cu el a reuni cu su homologonan di e region pa busca un solucion. Nos ta haci un yamada pa recupera democracia y libertad.

Emmanuel Macron, presidente di Francia, tambe a referi den e Asamblea na e situacion cu Venezuela ta bibando aden, y a destaca cu mester existi presion cu ta impulsa respet pa democracia. Macron a destaca cu no mester permiti e fortalecemento di e tendencianan dictatorial di e regimen di Nicolás Maduro.


E presidente Frances a resalta cu ta deber di tur nacion pa scucha esunnan oprimi y traha pa esunnan cu ta desea di ser scucha. Na su huicio, siguridad y progreso di mundo ta depende di e bon relacionnan multilateral.

Jorge Arreaza, ministro di Relacion Exterior di Venezuela, a rechasa ayera e declaracionnan di presidente  Donald Trump, haci den Asamblea General di ONU.

Arreaza a declara cu gobierno di Venezuela lo mantene su mes firme na su conviccionnan y cu e declaracionnan di Trump ta un violacion di derecho internacional.

“Nos lo sigui lucha pa democracia Venezolano, no tin ningun imperio na mundo cu por debolbe nos pa sclavitud,” el expresa.

El a haci su declaracion den un rueda di prensa den cual el a splica cu e ta spera un rectificacion di parti di gobierno Mericano. E canciyer a destaca cu e regimen di Nicolás Maduro lo responde cualkier accion cu Merca tuma den su contra. Nos no ta descarta ningun opcion y ta prepara pa responde riba cualkier medida.

 

You May Also Like

Gobierno no tin recurso pa paga cuatro ley aproba pa Congreso Colombiano

  Siman pasa, apesar cu gobierno a laga sa cu aprobacion no tabata conveniente, ...

Polis a yega na un cas na Mexico y a wordo ricibi pa tiger, leon y cocodrilo

Cinco animal salvahe a duna  bonbini na funcionario di fiscalia Mexicano, ora cu nan ...

Hezbollah ta un actor principal di delincuencia organisa na America Latino

Hende miho conoci como misionero Irani ta esun cu ta bati  alarma  pa chiismo, ...

Venezuela: Maduro ta expulsa encargado di negoshi di Estadonan Uni

Presidente di Venezuela Nicolas Maduro a anuncia awe den cadena nacional cu e ta ...

Mexico: Mas di 15 persona desapareci pa dia na 2017

(UnivisionNoticias) – Entre luna di augustus y october 2017 a reporta na Mexico 1.411 ...

Julio Borges ta nenga invitacion di Maduro pa yega Palacio Miraflores

E presidente di Asamblea Nacional, Julio Borges, a nenga un invitacion di e hefe ...