Venezuela a yega na 91 caso di coronavirus, segun e cifranan suministra pa regimen di Nicolas Maduro. E presidente de facto mes a anuncia cu e contagionan nobo ta na estado Lara (3) y un cada un na Caracas, Los Roques, Miranda y Guarico.

Miranda ta continua di lider cu 39 caso. Tambe Maduro a duna e total di persona segun genero, cu ta 47 homber y 44 hende muhe. Di esakinan, 15 lo a recupera.

Maduro a insisti cu por enfrenta e coronavirus cu medicina natural, mientras e a sigura cu e ta asmatico y cu a pesar di esaki e ta tuma un te di “malojillo” , como referencia na e polemico remedi cu un curandero a duna como “cura pa coronavirus”.

Tambe el a sigura cu danki na e encuestanan y monitoreo di cas pa cas a traves di e sistema Patria, a realisa deteccion di 1.200 persona cu supuesto sintoma di griep.

A pesar cu na inicio e tabata insisti cu e prome casonan tabata bin di exterior, awor e ta reconoce cu actualmente tin caso local.

Mientras tanto, di otro banda presidente interino Juan Guaido tin como su tarea pa desmenti e informacion di gobierno di Maduro. El a revela e situacion precario di e sistema di salud di e pais pa culpa di e negligencia di e dictadura Chavista, y a informa kico su administracion lo bay haci pa combati e virus, di cual ya nan tin mas di 200 caso registra.

Durante un entrevista cu e periodista Venezolano Sergio Novelli, a traves di señal di di VPItv, Guaido a manifesta cu: “Ta criminal trata di compara e regimen cu e gobierno interino, e dictadura sa masha bon cu no ta un carta ta manda pa IMF pa pidi un credito, mester atende y contene e emergencia aki, cu ta bay di man, mester bisa esey.”

 

LEAVE A REPLY

Please enter your comment!
Please enter your name here