E cantidad di personanan cu a muri na Hulanda pa motibo di coronavirus a yega un maximo di 80 persona durante oranan di anochi, esaki ta locual RIVM a anuncia den nan actualisacion diaranson. Aunke cu e cifra ta halto , e number den realidad ta involucra e personanan cu a muri den e ultimo dianan na luga du un total di 24 ora,RIVM a bisa. E number di testnan positivo di corona virus a aumenta di 852 pa 6412, di cual 1836 ta ser of a ser trata na hospital.
Apesar di e aumento fuerte di morto y testnan positivo ,RIVM ta bisa cu tin evidencia cu e aumento den e number di ingreso hospitalario ta desacelerando, loke por indica un desaceleracion di e velocidad di e plamamento di e virus. “ Pero nos no por saca conclusionnan firme y e proximo dianan lo mustra si e curva ta bahando”, RIVM a bisa.
E hefe di RIVM Jaap van Dissel, a haci comentarionan similar den un sesion informativo na e parlamentarionan. E estimacion ta indica cu e tasa di infeccion , e cantidad di personanan infecta pa un portador, ta igual of inferior bou uno, na luga di dos of tres manera e tabata antes, Van Dissel a bisa. “ E crecemento exponencial d e brote ta parce di a detene”.
Awanan residual
Mientras tanto, RIVM a bisa cu nan a identifica coronavirus den e awanan residual despues di a haci testnan na Amsterdam, Tilburg y Kaatsheuvel, cu ta procesa e awa di Loon op Zand, na unda a identifica e prome caso di coronavirus. E prome evidencia a ser haya den e awa cuatro dia despues cu e prome victima Hulandes a test positivo pa e virus, RIVM a bisa. Esaki ta significa cu e test di awa residual ta un bon manera pa evalua e plamamento di e virus, RIMV a bisa. E normanan stricto Hulandes tocante e purificacion i awa ta significa cu e virus no ta den awa portable, e organismo di salud a bisa.
