(ElNacional) – E secretario ehecutivo di e comando intergremial di transport, Jose Luis Trocel, a informa cu durante un reunion realisa cu representantenan di gobierno nan a propone un aumento di e tarifa minimo urbano.
Trocel a detaya cu nan a realisa dos propuesta: e prome ta un aumento di e tarifa minimo urbano na 3 bolivar y cancela e combustibel na 0,20 cen di dollar. Y e di dos ta referi na un aumento den e tarifa minimo urbano na 4 bolivar y cancela e combustibel na 0,50 cen di dollar hancra na e Petro.
Nan a plantia ademas cu e ahustenan di tarifa y aumento di combustibel wordo haci progresivamente, similar na con e tabata plantia cu e eliminacion suave di e subsidio na e propietarionan di vehiculonan particular.
El a destaca, segun un nota di prensa, cu e reunion aki a wordo realisa dia 12 di juli na e vice-presidencia di obranan publico y servicionan, cu Nestor Luis Revelor y tambe tabata presente e Minister di Transport, e presidente di Fontur, entre otro.
Torcel a detaya cu den desaroyo di e reunion Reverol a expone cu tur e doñonan di vehiculonan cancela e costo di combustibel na prijs di 0,50 cent di dollar y cu posiblemente lo mantene temporalmente e subsidio na e particularnan, cual el a destaca, lo wordo elimina progresivamente.
El a indica cu e propuesta di e gobierno ta di un tarifa urbano di 3 bolivar y cancela e combustibel na 0,50 cen di dollar, cual a wordo rechasa pa e transportistanan.
