Minister di Maneho di gobernacion, Planificacion y Servicio Publico Ornelio Martina den un conferencia di prensa na Corsou a anuncia cu gobierno di Corsou lo bay paga un gratificacion na su trahadonan publico.

Gobienro di Corsou despues di aprobacion di e landsbesluit di gobernador di Corsou a dicidi cu e empleadonan publico den servicio activo for di 15 di juni 2022 ta ricibi un gratificacion pa un solo biaha di 1750 florin.

Esaki lo wordo paga dia 21 di juli 2022 cu ta hunto cu e salaris di Juli 2022. E gratificacion tambe ta conta pa tur esnan cu ta ekibalente na empleado publico, tin exclucion di esnan di Januari 2022 unda cu tin bezonderevrijstelingen van dienst cu ta geschorst of cu tin un straf diciplinario.

Esnan cu ta traha menos ora cu e funcion ta para pe lo ricibi un porcentahe mara na e oranan cu e la traha. E motibonan dicon a duna e gratificacion ta debi cu e crisis social economico ocaciona door di e COVID 19 , e extra trabaonan di empleadonan publico ocaciona door di e ausencia halto di otro coleganan cu ta contagia cu COVID 19, e trayecto di VVU caminda 443 ambtenaar te cu awor a sali for di gobierno sin cu tin remplasante pa haci nan trabao , e extra trabaonan mara na implementacion di e trayectonan di reformacion di e landspakket .

E montante cu mester paga ta reserva den e presupuesto supletorio di 2022 y esaki a keda garantisa pa minister di finansas di Corsou. Prome minister di Corsou 30 di juni 2022 tabata e fecha original cu a pidi indulgencia unda cu a pidi dos siman na e empleado publiconan pa por caba e situacion.

LEAVE A REPLY

Please enter your comment!
Please enter your name here