(LaPatilla) – Nicolas Maduro a sigura cu Venezuela a logra e meta di 50% di e poblacion general vacuna contra COVID-19, sin detaya si e ta referi na personanan cu a ricibi solamente un dosis of e dos dosis necesario pa por wordo considera cu un individuo ta completamente inmunisa.

“Mi mester informa cu, manera nos a compromete nos mes cu Venezuela, awe nos ta yegando e 50% di e poblacion general cu ta vacuna. Ya caba 50% vacuna, awe”, Maduro a bisa durante un acto na television pa celebra e dia di e dokter integral comunitario.

E no a splica tampoco na cua grupo di edad of sectornan e ta referi na dje ora cu e ta papia di poblacion general, ni si ta contempla den su calculacion menornan di 3 pa 17 aña, ken el a sigura luna pasa cu nan lo cuminsa vacuna e luna aki.

No obstante, di acuerdo cu e datonan di e Organisacion Mundial di Salud (OMS), na Venezuela a vacuna cu dosis completo 6.190.629 ciudadano, es decir un 20.6%, mientras cu 9.926.613 a ricibi solamente e prome vacuna, locual ta un 30% di e Venezolanonan.

Maduro a ripiti cu e ta busca pa yega na un 70% di e poblacion vacuna pa dia 31 di october sin detaya tampoco den e caso aki, si e dato ta referi na vacunacion completo.

El a anuncia cu diasabra 2.6 miyon vacuna mas lo mester a yega Venezuela a traves di e mecanismo Covax, aunke e no a specifica di cua farmaceutico nan ta.

LEAVE A REPLY

Please enter your comment!
Please enter your name here