(NLTimes) – Veterinarionan Hulandes afilia cu e fundacion Help for Animals from Ukraine a duna tratamento na mas o menos 300 mascota en total.
Refugiadonan di Ucrania por ricibi tratamento pa nan mascota liber di cualkier costo na e fundacion. Por lo menos 700 veterinario na Hulanda ta afilia cu e organisacion.
Dononan di e mascota normalmente mester tin e documentonan corecto y prueba cu nan mascota a ricibi un gran variedad di vacuna prome cu e mascota por drenta Hulanda. “Claramente esaki no ta posibel cu e guera na Ucrania,” vocero di e fundacion a splica. “Pa preveni malesa, e ta importante cu tur bestia di Ucrania ser hiba veterinario.”
Rabies no ta tuma luga mas naturalmente na Hulanda. Sinembargo, e ta un riesgo pa bestianan na Ucrania. E malesa mortal aki ta contagioso, y por pega na ser humano cu ser mordi, rasca of lembi pa un animal infecta.
Veterinario a entrega un declaracion di 250 euro pa cada animal na e fundacion. Sinembargo, e costonan aki hopi biaha ta menos. “Nos ta mira veterinario hopi biaha declara solamente e medicina y vacuna, no e consulta,” e vocero a bisa.
E fundacion ta cubri e gastonan di e veterinario cu donacion cu nan ta ricibi. Mas o menos 100,000 euro a ser ricibi den donacion. “Sinembargo cu e gastonan aumentando, e ta hopi probabel cu e suma aki lo ser gasta back.”
