Durante siman un comunicacion a sali caminda ta informa cu lo cuminsa controla especienan cu wordo pisca den nos awanan teritorial. E control aki ta enfoca riba piscanan cu a keda prohibi den un decreto Ministerial emiti pa e Gobierno anterior.
Segun un comunicado di prensa, bou di iniciativa di Minister di Transporte, Comunicacion y Sector Primario, sr. Chris Romero, den un conseho di Minister unda a dicidi cu ehecucion di dicho ley lo wordo posponi cu minimo 6 luna mas, cuminsando di inmediato. Esaki cu e meta pa duna espacio pa sinta na mesa cu e diferente sectornan cu lo keda afecta directa y/of indirectamente cu ehecucion di e Ley di Flora y Fauna.
E siguiente paso lo ta pa sinta na mesa pa asina analisa ki lo ta e miho manera pa introduci un ley di proteccion pa nos Flora y Fauna. Lo bay sinta cu expertonan riba e area di Flora y Fauna, pero tambe lo reuni cu diferente piscadonan pa asina scucha nan preocupacion y posibel solucion, semper pensando riba e beneficio general.
