Tin prueba haya riba e curpa di Mitch Henriquez cu ta mustra cu e polisnan a uza asina hopi forsa cu Mitch a muri. E investigadonan ta skirbi den e rapport cu nan ta haya cu e ‘forsa mecanico externo y primiendo riba e nek’, pasobra a usa un ‘nekklem’ chocando Mitch, ta un bon splicacion dicon a haya e efectonan causa pa falta di zuurstof. Mitch tambe a haya un golpi duro riba su nanishi. Y esaki tambe por a causa su morto.
E rapport tambe ta bisa cu e patholoog-anatoom (experto) ta convenci cu violencia di e polisnan ta e causa di morto di Mitch Henriquez.
Esaki e fuente RTL Nieuws a publica awe. Despues cu ayera e abogado di e ex pareha di Mitch y nan yiu a haci cierto declaracionnan tambe basa riba e rapport. Oficialmente e rapport no a keda publica ainda.
