(NLTimes) – Virologo Hulandes Marion Koopmans ta adverti cu Hulanda te ainda no ta fuera di peliger ora ta trata di coronavirus, y a adverti cu te ainda mester tin cautela.

Papiando cu NPO Radio 1, el a bisa cu e tin duda cu e situacion pa cu coronavirus ta na un punto unda cu ta hustifica e “relahacion completo di e medidanan.”

Medidanan manera traha for di cas y uso di tapaboca mester sigui den vigor segun e experto. El a conta cu “e ta mustra manera cu ya caba nos a pasa door di e pio parti, pero te ainda nos ta mirando hopi hospitalisacion, specialmente den e grupo di personanan vulnerabel y hendenan cu te ainda no a ricibi nan vacuna.” Koopmans tin duda tocante e Gabinete y e eliminacion di practicamente tur medida awo pa motibo cu “si tin mester di algun medida durante e proximo temporada, e lo ta hopi dificil pa bolbe introduci esaki.”

Pa Koopmans, e Gabinete ta bayendo hopi lihe den direccion di relaha tur medida y posibelmente sin tuma na cuenta e gruponan vulnerabel. “Bo mester tuma pasonan prome cu bo relaha algo. Dinamarca a haci esaki, Britania a haci esaki, pero te ainda bo ta mira hopi hospitalisacion den e paisnan aki, nos no mester ignora e hecho aki.”

Diederick Gommers a uni na su persona pa e podcast. E experto den unicad di cuido intensivo a bisa cu e resultado di relaha medidanan demasiado lihe ta cu e personanan medicamente vulnerabel cu no por vacuna lo mester biba un bida cera na cas si sociedad no para pa nan.

Gabinete ta premira di reduci pero no elimina e conseho di traha for di cas. Actualmente tur hende cu tin e posibilidad di traha for di cas ta ser conseha pa haci esaki lo mas cu ta posibel. Esaki ta premira di cambia e siman aki, cu e empleadornan consehando pa traha na cas por lo menos e mita di nan orarionan di trabao.

Mantene tur medida manera traha for di cas no ta hopi dificil pa motibo cu hopi persona ya caba a custuma na e manera nobo di traha aki, el a bisa. “Esaki ta un medida cu ta relativamente simpel, cual ta apoya y efectivo.” E tabatin un opinion similar na uso di tapaboca pa motibo cu “ya caba esaki ta bon estableci den pueblo, ora cu ta hopi druk, bo ta bisti un tapaboca, dicon esaki no por?”

Biba cu coronavirus den futuro tambe a ser papia durante e podcast. Koopmans a enfatisa con crucial e lo sina con pa trata variantenan nobo di coronavirus. Comparando vacuna di coronavirus cu e vacunacion anual di griep, el a bisa cu e prome vacuna semper ta esun mas efectivo. E desafio lo bini ora cu nos purba di yega na un punto unda cu nos tin un plan di tratamento efectivo contra tur variante cu surgi, mirando cu variantenan nobo lo keda aparece.

LEAVE A REPLY

Please enter your comment!
Please enter your name here