Awe for di 8’or di mainta cantidad di Colombiano residencia na Aruba ta probechando e delaster dia di eleccion pa bay haci uzo di su derecho di voto den e mesun edificio, unda Consulado di Colombia ta situa na Oranjestad. Te cu 4’or atardi e eleccion aki ta tuma luga.
E eleccion aki ta pa eligi e miembronan di Congreso y tambe pa un consulta popular inter-partidista.
Segun un votado consulta pa Bon Dia Aruba, e eleccion aki ta uno crucial y importante mirando cu e pais Colombia ta practicamente polarisa entre e hendenan simpatisante di izquierda y esunnan di centro-derecha. Mas cu 1500 Colombiano ta registra den nan censo electoral di nan pais pa vota na Aruba.
