download.jpg

”Nos ta spera cu gerencia sinta pensa cu ora ta priminti algo, cu mester cumpli cune!” sr. Eric Henriquez, SIMAS, ta bisa.

Diahuebs rond di 9or di mainta, sindicato a dicidi di pone un welga interno den W.E.B. mes cu ta pone
cu W.E.B. mester a cera su portanan pa servicionan manera pagamento di awa y otro servicionan debi na falta di cumplimento di parti di gerencia di W.E.B. NV cu no a cumpli departamento.
sr.Eric Henriquez di SIWA ta splica cu: ”A primiti cu lo yena e departamento cu hendenan anto awe a drenta un informe for di gerencia cu esey no lo pasa , y e consecuencia directo di esey pa e trahado ta cu, door cu no lo yena cu e hendenan ey, e contratistanan cu tin cu ta haci e trabao no por bay cumpli cu tur e tareanan cu ta wordo haci pafo y na unda cu tin risico pafo cu nos hendenan por wordo ofendi , e pueblo lo bay ofendenan y e cosnan por escala anto ningun hende no kier esey, e trahadonan sigur ta sinti cu e palabracionnan no a wordo cumpli. No por priminti henter aña cu ta bay yena e vacatura anto awe bo ta dicidi cu bo no ta yena esaki sin haci un estudio y sin sinta e hendenan y bisanan e motibo dicon , e decision a wordo tuma sin preaviso.”

Comunicado di prensa cu a ricibi for di W.E.B.:

Cahanan y loketnan di WEB Aruba na Balashi ta cera te proximo aviso. Asina e compania di awa y energia ta informa pa medio di un comunicado. Motibo ta cu awe mainta empleadonan di departamento di servicio na cliente a walk out. E grupo di empleado aki no ta di acuerdo cu un decision di gerencia pa no yena algun vacatura cu tin den nan departamento. Ta pidi clientenan di WEB pa haci nan pago di cuenta di awa na oficinanan di gobierno, via banco of na oficinanan di ELMAR. WEB ta compronde e inconveniencia pa clientenan. P’esey lo pospone e ultimo fecha di pago di e cuenta di awa di mei,di 8 pa 13 di juli. Ta premira cu lo bira hopi druk na e loketnan di ELMAR, pa motibo cu e fechanan di ultimo dia di pago lo coincidi cu esun di ELMAR. WEB ta pidi disculpa pa e inconveniencia.

 

Diahuebs mainta empleadonan di Customer Service di WEB Aruba a pone trabou abou y a walk out. Hunto cu sindicato SIWA nan a expresa nan protesta contra e decision di gerencia pa no yena vacaturanan na e departamento. Gerencia di WEB a tuma e decision aki, pendiente un evaluacion pa logra mas eficiencia den futuro.Actualmente e trabou ta wordo haci pa contratistanan.

 

Gerencia di WEB ta pidi su sincero disculpa na clientenan pa e inconveniencia. Ta haci tur esfuerso pa normalisa e servicio na clientenan mas pronto posibel.

Keda pendiente cu Bon Dia pa mas informe