Relaciona cu mal tempo den e dianan aki: Elmar ta pidi comprension den caso di interupcion

IMG_0015 (Large) (1).JPG

 Den e dianan aki por a ripara cu nos isla ta experenciando poco mal tempo den oranan di madruga y atardi, cu ta bay compaña cupoco awasero. Na momento cu e mal tempo ta inclui lamper, cu si no tene cuenta cune por ocasiona daño na artefactonan electrico, ya sea na cas of oficina. Ora cu tin strena cu lamper, sa sosode cu wayananta los. Tambe tin matanan pisa cu por cay y cu ta tumba wayanan di coriente abao y por ocasiona accidente. Ademas di esey, autonan por slip dal den palo di luz, entre otro. N.V. Elmar ta hopi preocupa pa e bienestar di nos hendenan na Aruba y ta pa e motibo aki cu kier conscientisa comunidad pa tene cuenta cu situacionnan cu ta for di nan control of alcance.

Den caso cu algo sosode, mester yama N.V. Elmar mesora pa asistencia. Ta saca tecniconan y despacha nan pa e sitio di incidente, unda lo haci un evaluacion debido asina cu nan nota e daño y e fayo cu a presenta.E tecniconan di N.V. Elmar no ta traha riba e wayanan ora awa cay, of zomaar den awasero, esaki ta pa nan propio siguridad y esunnan rond di nan. Esaki ta trece cune cu kisas lo por tarda pa atende e “storing”.

N.V. Elmar ta hopi atento pa cu casonan cu ta wordo raporta y su Departamento di Storing mas hopi cu ta posibel ta trata di atende e yamadanan, pero despues di cierto ora, e yamadanan ta pasa pa e “opzichter” na warda pa casonan di emergencia. Por pensa den por ehempel accidentenan pisa, unda areanan grandi ta afecta.Comunidad mester ta consciente di e peliger cu cualkier incidente cu ta encera coriente por trece cune. Den casonan cu tin di haber cu mal tempo, esakinan N.V. Elmar lo keda riba un alerta y lo atende cada caso cu presenta na un manera responsabel y segun e evaluacion haci di parti di Storingsdienst.

 

You May Also Like

Bende conservacion ambiental cu turistanan proponi

Durante evento cu orado di Wereld Natuur Fonds Ultimo fin di siman pasa durante ...

‘Mayoria di aumento di personal ta den cuerpo uniforma y enseñansa cu mester di nan’

Aunke Raad van Advies (RvA)  y CAft a critica riba aumento di personal na ...

No tin nada concreto riba kico lo bini despues di fondo FDA

Ayera a tuma luga un debate den parlamento pa aloca un suma di 16 ...

Luto

Gobierno: ceremonia di bandera y minuut silencio pa victima Francia

Mayan den oranan di merdia ta bay tin un ceremonia di bandera unda ta ...

Brug na Amsterdam ta haya nomber di Boy Ecury

Recientemente Gemeente Amsterdam a nombra 15 brug pa es motibo cu te ainda nan ...