(AP) – Paisnan cu tin recurso su decision di cuminsa cu dosis adicional di vacuna contra COVID-19 mientras cu tanto persona na Africa ta permanece sin por lo menos e prome dosis di vacuna “ta menasa e promesa di un miho mañan” pa e continente, mientras cu e director di Africa World Health Organization a bisa diahuebs, advirtiendo cu “mientras cu e paisnan di mas recurso ta sigui warda vacuna pa nan mes, nan ta haci bofon di igualdad den vacuna.”

Matshidiso Moeti y su otro oficialnan di salud Africano, incluyendo e Africa Centers for Disease Control and Prevention, a adverti contra e dosisnan adicional di e vacuna den simannan reciente, den bista cu menos di 2% di e populacion den e continente di 1.3 biyon hende ta completamente vacuna contra COVID-19.

Moeti a nota cu e ultimo aumento den casonan rond di Africa ta bahando y cu mas y mas dosis di e vacuna por fin ta yegando e continente, pero “Africa ta enfrentando problema” cu e paisnan di mas recurso manera Merca cu a dicidi di cuminsa duna dosis adicional di vacuna.

E situacion den Africa ta keda “hopi fragil” mirando cu e variante delta, cual ta mas transmisibel awo ta dominando e mayoria di e continente su 54 pais. Mas di 7.3 miyon caso, incluyendo mas di 186,000 morto, a ser confirma den e continente y sistemanan di salud ta luchando pa por provee oxygeno medico y otro cuidonan.

Oficialnan di salud na Merca a anuncia plan riba diaranson di cuminsa duna dosisnan adicional di vacuna contra COVID-19 na tur Mericano den bista cu e variante delta ta keda infecta e pueblo y cu e efectividad di e vacuna no ta mesun halto cu antes.

Moeti a bisa reporteronan cu e no por bisa cu siguridad si e dosisnan cu Merca tin plan di usa como dosis adicionall lo sali di e dosisnan cu tabata planea pa Africa, pero e ta “spera cu no.”

E departamento di e estado no a duna respuesta na preguntanan te ainda.

Moeti a nota e “situacion cu ya ta saliendo for di man globalmente” den e cantidad di vacuna y a urgi pa pone enfasis riba e personanan na Africa y di logra un progreso den vacunacion, mirando cu e paisnan aki ta hopi mas atras cu e resto di e mundo ora cu ta trata di acceso na vacuna y exito den e proceso di vacunacion.

Tambe Moeti a senala cu e paisnan cu tin mas recurso den un averahe ya a administra mas di 103 dosis di vacuna pa cada 100 persona, mientras cu den Africa e cifra aki ta solamente 6.

Anteriormente e siman aki, e director general di World Health Organization, Tedros Adhanom Ghebreyesus, a yama e paisnan aki “inconsciente” pa motibo cu nan ta tuma e decision di ofrece “dosis adicional di e vacuna mientras cu asina hopi hende te ainda ta permanece sin proteccion.”

Diahuebs Moetie a expresa cu nan ta “urgi tur e paisnan cu mas recurso, cu tin cantidad di dosis cu tin biaha ta hopi mas di loke e miembronan di nan populacion ta rekeri, pa aumenta nan donacion na e ciudadnan Africano cu tin un desbentaha asina grandi.”

El a agrega despues di e revelacion e siman aki, cu algun dosis di COVID-19 su vacuna, cual awo ta ser poni den otro na Africa mes, ta ser manda na Europa, “mi ta kere cu no tin miho ehempel cu esaki, vacunanan cu ta traha den e mesun continente cu tin mester di esaki, ta ser manda na otro paisnan na luga di usa nan.” El a yama na e paisnan aki cu ta cumpra e dosis nan aki, pa considera donacin na algun di e vacunanan cu ta produci na Africa, na e nacionnan Africano, “y di mesun manera brinda servicio na nan necesidad.”

LEAVE A REPLY

Please enter your comment!
Please enter your name here