(AP) – WHO (World Health Organization) a revela cu nan lo cuminsa un forum unda cu lo cambia e nomber di e malesa Monkeypox, despues cu algun critico a trece dilanti preocupacion cu e nomber por ta un termino derogatorio of tin rasgonan racista.

Den un declaracion publica riba diabierna, e agencia di salud di U.N a bisa cu nan a cambia e nomber di 2 familiar di e virus haciendo uso di numbernan Romano na luga di areanan geografico, pa asina evita cu lo stigmatisa esaki. E version di e malesa anteriormente conoci como Congo Basin awo lo ser conoci como Clade 1 of I y e version na West Africa lo ser conoci como Clade Two of II.

WHO a bisa cu e decision a ser haci despues di un reunion di cientificonan e siman aki y lo ta den linea cu e miho practicanan pa pone nomber na e malesanan, cual tin e meta di “evita cualkier ofensa na cualkier grupo etnico, cultural, social, nacional, regional of profesional y minimisa cualkier impacto negativo riba exportacion y importacion, turismo y bienestar di bestianan.”

Otro malesanan, incluyendo Encephalitis Hapones, Marburg, Influenza Spaño y Middle Eastern Respitaroty Syndrome a ser nombra na nomber di e areanan geografico unda cu prome nan a ser identifica. WHO no a sugeri cambia e nombernan aki abiertamente.

Monkeypox a ricibi su nomber na aña 1958 ora cu durante investigacion haci cu Macaco na Dinamarca.

WHO a bisa cu nan lo trece dilanti un manera pa e publico por sugeri nombernan nobo pa Monkeypox, sinembargo nan no a bisa ki tempo e nomber nobo lo keda anuncia.

Te cu awe, tin mas di 31,000 caso di Monkeypox identifica mundialmente desde mei, cu e mayora di nan fuera di Africa. Monkeypox tin varios decada siendo un endemia na partinan central y west di Africa pero no a causa brotenan grandi fuera di e continente prome cu mei.

WHO a declara e plamamento global di Monkeypox un emergencia internacional den juli y Merca a declara su mesun epidemia como un emergencia nacional anteriormente e luna aki.

Fuera di Africa, 98% di e casonan ta mira den hende homber cu tin relacion sexual cu hende homber. Cu solamente un cantidad limita di vacuna disponibel, autoridadnan awo ta luchando pa combati Monkeypox prome cu esaki bira un malesa nobo oficial.

 

LEAVE A REPLY

Please enter your comment!
Please enter your name here