Artista Ras Elijah lo ta bayendo Corsou den december pa restaura un par di mural na Otrobanda, entre otro e mural na Bajonetstraat. Por medio di un campaña di Kickstarter e artista a logra recauda fondo pa biaha na e isla.
Cu contribucion principal di Louis Hilgers y Ace Suares, e artista a logra recauda casi 4 mil florin pa asina haci su biahe posibel. Sinembargo desde cu e campaña a anda e doño di e propiedad unda cu e mural ta pinta a dicidi pa cubri tur gastonan pa e restauracion di e mural. Pa via di esaki awo Elijah lo por restaura otro muralnan na Otrobanda tambe.
