Chauffeurnan cu ta core nan auto riba caminda di Barcadera ta cansa di e mal estado di e caretera aki, yen di buraco y asfalt mal basha cu a tuma luga algun tempo caba.
Ora ta coriendo auto den area por sinti con e auto ta cuminsa bati y sinti e efectonan di e caretera e cual por tin mas buraco cu e luna mes.
Mirando cu campaña a cuminsa lo ta bon pa haya sa si e caminda aki tambe ta den plannan pa haya un renobacion ya cu tin hopi compania den area aki incluyendo un di e mas importante cu ta e waf di Barcadera, entre otronan.
Recientemente, diferente parlamentario a cuestiona esaki aki, manera e parlamentario Marisol Lopez-Tromp e cual den un video a mustra diferente camindanan di Aruba cu mester di un renobacion y/of asfalt nobo, DOW a entrega su presupuesto y prome minister Evelyn Wever-Croes tambe a sigura cu tabatin fondonan disponibel pa esaki, “e molester di careteranan den mal estado tin atencion y prioridad” pero esey tabata na februari 2023.
