(AP) – Air Force lo pone un gran parti di su futuro den man di 1,000 drone opera di manera autonomo y den e temporada binidero e lider civil top lo drenta un aeronave opera cu inteligencia artificial pa un test di vuelo.
Air Force su secretario Frank Kendall a conta senadornan riba diamars na un audiencia tocante e servicio su presupuesto pa aña 2025 cu e lo drenta e cockpit di un di e F-16 cu e servicio a converti pa un vuelo di drone pa mira su mes con e aeronave controla pa AI ta funciona den aire.
“Lo tin un piloto cu mi persona ken tambe lo monitor di mesun manera cu mi persona, con e tecnologia autonomo lo funciona,” Kendall a conta Senate Appropriations Committee su miembronan di panel di defensa. “Nos ta spera cu ni ami ni su persona lo ta necesario pa opera e aeronave.”
Guera cu drone a rapidamente expande for di sosten den e combate na un di e armanan primario. Drone ta un menasa diario na Ucrania y Medio Oriente. Na Ucrania, tur dia e ciudadanonan ta ataka pa drone Ruso pero tambe ta creando drone pa colecta video di e posicion Ruso. Den Medio Oriente, Houthinan cu e sosten di Iran y gruponan militante a haci uso regular di drone aereo, den aire y bao awa cu ta ataca base Mericano y barconan comercial na Red Sea.
Air Force a cuminsa plan pa su seleccion di aeronave di combate colaborativo, asina yama CCA, varios aña atras y e ta anticipa un scenario unda un jet lo por sostene varios drone opera pa AI, cual e servicio ta yama ‘loyal wingmen.’
E servicio no a papia hopi tocante con e dronenan lo mustra den tamaño ni plataforma, ni tampoco si nan lo ta aeronave di guera completo of mas chikito.
