Un demostracion di forsa di Polis pa descurasha protesta anti- gubernamental ta riba caya di e capital y ta adverti residente cu si nan participa den manifestacion ‘nan lo putri den prizon’.

A secuestra y tortura 6 activista anti- gubernamental pa participa den protesta. E tension ta aumenta pa e condicion economico di e pais, segun grupo di derecho humano. Presidente Emmerson Mnangagwa ta pidi pa un dialogo, pero na mesun momento, su gobierno ta pone presion pa parlamento adopta un ley nobo di siguridad.

Principal partido di opositor, Movemento pa Cambio Democratico, a bisa cu protesta lo ta pacifico y cu lo trata di forsa Mnangagwa pa establece autoridad di transicion pa aborda problema economico y organisa eleccion creibel.

Sinembargo, polis a bisa cu ta probabel cu protesta lo ta violento y ta adverti persona pa mantene nan mes leu. “Inteligencia y evidencia concreto riba e tereno a revela cu yamada na manifestacion pacifico lo resulta violento. Servicio di siguridad no ta pa permiti violencia, destruccion di propiedad, menasa, intimidacion of acto ilegal ta e protagonista”, Paul Nyathi a bisa, kende ta vocero policial.

Mnangagwa a yega na poder cu e promesa di reforma politico y economico radical. Pero awo ta mira su gobierno como un extension di mal den e parti di economia y man duro den siguridad, segun grupo di derecho humano.

Amnistia Internacional ta acusa administracion di Mnangagwa di uza algun ‘manera brutal’ bou gobierno di Robert Mugabe, asina a informa Muleya Mwananyanda, subdirector regional di Amnistia Internacional pa Zuid Africa. “Na luga di tende preocupacion di manifestante pa cu economia, autoridad a uza tortura y secuestro pa trece miedo cerca hende.”

 

LEAVE A REPLY

Please enter your comment!
Please enter your name here