E Barco di Marina Hulandes Zr.Ms. Holland a intercepta dos transporte di droga di droga riba 25 di februari, den cooperacion cu Marina di Colombia riba Lama Caribe.
E botonan rapido (go-fast) a keda descubri pa medio di un avion di patruya maritimo di Wardacosta Region Caribe y un helicopter di Marina Colombiano. Hr.Ms. Holland a manda un helicopter embarca di Wardacosta Mericano y e FRISC, un boto rapido, cu un ekipo combina di tripulacion di e barco, y a bay abordo di e destacamento di mantencion di lei di Wardacosta Mericano. Despues di a duna señalnan pa stop, e go-fast no kier a stop.
Despues di a los algun tiro di advertencia e presunto contrabandistanan a entrega nan mes. E di dos go-fast a keda deteni pa e barco di Marina Colombiano ARC Victoria. En total 800 kilo di cocaina a keda confisca.
E presunto contrabandistanan y e contrabanda a keda traspasa pa Wardacosta Mericano. E presunto contrabandistanan lo keda persigui na Estados Unidos.
Zr.Ms. Holland desde October 2022 a keda desplega como barco patruyero den Region Caribe Hulandes, y ta alterna e lucha contra droga cu apoyo di Wardacosta Region Caribe Hulandes y cu Wardacosta di Estados Unidos di Merca. E barconan Hulandes den Region Caribe tambe ta coopera cu Marina di Colombia den e lucha contra droga.
